निम्बतरु
मेरो मर्जी चल्दैन
कति -कति बन्धन छ
मेरो मर्जी चल्थ्यो
कहिल्यै जीवन यस्तो हुँदैनथियो
सबैभन्दा भगवानको मर्जी चल्छ
भगवानको मर्जीले
भगवानको मर्जीले
भन्दिन्छन् कति सजिलै
शुभ होस् अशुभ
निकै समय पहिले त
मालिकको मर्जी चल्थ्यो
उस्को जो मर्जी
जीवन चलाउन कहाँ पाइन्छ
निरंकुश र अंकुश लगाइहाल्छ
कहिलेकाहीँ जीवन
दाम्लोमा बाँधिएको भेडोजस्तो लाग्छ
किलो वरिपरि रिङ्यो बस्यो
जो मर्जी चाह्यो जीवन चलाएको भए
आफ्नो मर्जी मुताविक हिँडेको भए
कहाँ यस्तो हुन्थ्यो जीवन
अझ बेहत्तर अझ काबिल हुन्थ्यो
खुब हुन्थ्यो ।
जहाँ मर्जी म फुलें भने बल्ल असली रङ देखिनेछ
तिम्रो मर्जीले
म कता कता धर्साे रहें जीवनको केवल ।
