पदम गैरे, पाल्पा। लुम्विनी प्रदेश सरकारको स्वास्थ्य मन्त्रालयको १०० दिनमा सम्पादित मुख्य उपलब्धीहरु सार्वजनिक गरेको छ । पाल्पाको तानसेनमा लुम्विनी प्रदेशका स्वास्थ्य मन्त्री खेम बहादुर सारुले प्रदेश सरकारका १०० दिनको अवधिमा स्वास्थ्य मन्त्रालयले सम्पादित १९ बुँदे मुख्य उपलब्धीहरु सार्वजनिक गर्नुभएको हो ।
स्वास्थ्य मन्त्रालयले नीतिगत एवं कानूनी, शासकीय, सुशासन प्रवर्धन, विकास कार्यको व्यवस्थापन, वित्तिय क्षेत्रमा सुधार, सूचना प्रविधि र जनगुनासो व्यवस्थापन लगायतका विषयमा उच्च प्राथमिकता दिई कार्यसम्पादन गरिएको छ ।
प्रदेशका क्यान्सर, मुटुको भल्भ फेर्न र मृगौला प्रत्यारोपण गर्नु विरामीलाई प्रदेश सरकारको विशेष आर्थिक सुविधाका लागि प्रदेशमा नै सिफारिस लिन जानुपर्ने बाध्यता हटाएको र जिल्लास्थित स्वास्थ्य कार्यालयबाट सिफारिसको व्यवस्था मिलाइएको छ । लुम्विनी प्रदेश गौरबको आयोजनाको रुपमा रहेको लुम्विनी प्रादेशिक अस्पताल, बुटबलको बाह् सय शैयाको बाह् तले भवन निर्माण कार्य प्रारम्भ भएको बताउनुभयो ।
लुम्विनी प्रदेशका महिला, बालबालिका र किशोरीहरुमा उच्च रहेको कुपोषणको अन्त्य गर्नका लागि स्वास्थ्य तथा पोषण सुधार कार्यक्रम सञ्चालन सम्वन्धी कार्यविधि २०८१ तयार भएको छ । कुष्ठरोग हात्तीपाइलेका कारण अपांगता भएका नागरिकलाई भेदभाव अन्त्य तथा जीवीकोपार्जन र आत्मनिर्भरता अभिवृद्धिका लागि कार्यविधि २०८१ स्वीकृत गरी कार्यान्वयनमा ल्याएको छ ।
