नेकपा (माओवादी केन्द्र) मालारानी गाउँसमितिकाे बैठक बाँगीमा सम्पन्न ।

बाबुराम रसाइली
६ असाेज २०८२, मालारानी । नेपाल कम्युनिष्ट पार्टी (माओवादी केन्द्र) मालारानी गाउँपालिकाको कार्यालय बैठक मालारानी ५ बाँगीमा सम्पन्न भएको छ । बैठक पार्टी मालारानी गाउँ समितिका अध्यक्ष शाेभाखर भुसालकाे अध्यक्षता, पार्टी केन्द्रीय सदस्य तथा पुर्वराष्ट्रिय सभा सदस्य चन्द्रबहादुर खड्का (उज्वल) प्रमुख आतिथ्उता, पार्टी केन्द्रीय सदस्य तथा जिल्ला इन्चार्ज ठाकुर कुमार विक (किशोर), पार्टी केन्द्रीय सदस्य तथा जिल्ला सह–इन्चार्ज छमकुमारी खनाल (चिनारी), पार्टी लुम्बिनी प्रदेश कार्यालय सदस्य तथा जिल्ला संयोजक राजेन्द्र भुसालकाे विशेष आतिथ्यमा बैठक समापन भएकाे हाे ।
बैठकमा पार्टीको वर्तमान अवस्था, जेनजी आन्दोलनले लिएकाे परिवर्तन र आगामी दिनमा पार्टी संगठनलाई सुदृढ गरेर अगाडि बढाउने विषयमा छलफल भएकाे थियाे । उक्त बैठकले तत्कालै पदाधिकारीकाे बैठकद्धारा पार्टी सुदृढका आगामी एजेन्डा तय हुने समेत छलफल गरिएकाे हाे । बैठकमा पार्टी लुम्बिनी प्रदेश समिति सदस्य शिवलाल कुवर, भेष बहादुर खड्का जिल्ला समन्वय समिति सदस्य मणिराम पराजुलीकाे समेत आतिथ्यता  रहेकाे थियाे ।