अर्घाखाँची आवासीय माध्यमिक विद्यालय सन्धिखर्क २ बेलबाटीकाको शैक्षिक सत्र २०८१ को नतिजा प्रकाशन, विश्लेषण तथा पुरस्कार वितरण कार्यक्रम सम्पन्न भएको छ।
सरोकारवालाको भब्य उपस्थितिमा भएको कार्यक्रममा बिधालयको समग्र अबस्था र आगामी महत्त्वपूर्ण कार्यक्रम बारे समेत जानकारी दिएको थियो ।उक्त विद्यालयको चालू शैक्षिक सत्रमा शैक्षिक उपलब्धिमा ५ प्रतिशत भन्दा अभिवृद्धी भएको तथ्यांकले देखाएको छ। नतिजाको विश्लेषणात्मक रिपोर्ट प्रस्तुत गर्दै विद्यालयका प्रवन्ध निर्देशक श्रीकृष्ण भुसालले उक्त तथ्य प्रस्तुत गर्नुभएको हो ।
कार्यक्रम विद्यालय व्यवस्थापन समितिका अध्यक्ष लिल बहादुर राउतको अध्यक्षता, अर्घाखाँची शैक्षिक गुठीका अध्यक्ष राम बहादुर रायमाझीको प्रमुख आतिथ्यता, प्रिन्सिपल चोपनारायण बन्जाडेको स्वागत मन्तब्य र वरिष्ट शिक्षक ध्रुव आचार्यको सञ्चालनमा सम्पन्न भएको हो।
कक्षा प्रथम, द्वितीय र तृतीय तथा कक्षागत रुपमा सबैभन्दा बढी उपस्थिति, अनुशाशन, विद्यालय पोशाक तथा सरसफाई लगायतका विभिन्न विधामा उत्कृष्टता हासिल गर्ने विद्यार्थीहरुलाई पुरस्कृत गर्नुका साथै सम्मान समेत गरिएको थियो।
सम्मान तर्फ कक्षा १० मा अध्ययनरत क्षितिज पुनले “Pride of Belbatika” तथा कक्षा ८ मा अध्ययनरत छात्रा शिक्षा के. सी. ले “Student of the year” उपाधि प्राप्त गरेका थिए।
साथै, दिवङ्गत संस्थापक तथा वरिष्ट समाजसेवी फर्सुराम पराजुलीको स्मृतिमा वहाँका सुपुत्र तथा विद्यालयका प्रवर्धक दीपक पराजुलीले “Student of the year” उपाधि प्राप्त गर्ने विद्यार्थीलाई आकर्षक पुरस्कार सौजन्य गर्नुभएको थियो। प्रवर्धक दीपक पराजुलीले अर्घाखाँची आवासीय माध्यमिक विद्यालय र सन्धिखर्क इङ्गलिस बोर्डिङ्ग स्कुलका उक्त उपाधि प्राप्त गर्ने सर्वोकृष्ट विद्यार्थीलाई प्रत्येक वर्ष पुरस्कार सौजन्य गर्ने प्रतिबद्धता व्यक्त गर्नुभएको थियो।
कार्यक्रममा कक्षा ८ की विद्यार्थी शिक्षा के सी, अभिभावक सिद्धि भट्टराई, संस्थापक तथा पाणिनी बहुमुखी क्याम्पसका प्राध्यापक बाबुराम शर्मा लगायतले मन्तव्य दिनुभएको थियो।
