#निम्बतरु
मैले आफ्नै हात सिलौटाले थिच्ने भएँ
जस्लाई मैले आफ्नो मत दिएँ
उस्ले लुतो आउँदा कमेरोले नुहाउ भन्यो
अझ उल्टो पछि पछि हिडिँयो पो !
पहाड उक्लिन शासन
झर्न शासन
सासै सासमा
मान्छेहरुले छाडेका पहाडहरु
पायक पर्ने ठाउँमा नभएर ईश्वरहरु
बेंसीमा थुप्रिएका घरहरुका नजिकै सारिदिएँ थानहरु
कुकुरहरु सरे
परेवाहरु सरेनन्
धेरै त वन- परेवा भए
ईश्वर सर्यो सरेन थाहा भएन
पहाडतिर खेतबारी बाँझो भएपछि
मान्छे आधा प्रदेशिएपछि मान्छे पनि बाँझो
प्रेम पनि बाँझो सम्बन्ध पनि बाँझो
राज्य बाँझो भयो भएन थाहा भएन
पहाड उराठ
पहाड जीर्ण
जब जवान युवायुवती छैनन् त
देशै उराठ संसारै उराठ
पहिला वनमाराले वन खान्थ्यो
मनमाराले मन
अहिले वनमाराले घरै खायो
मनमाराले जोवन
