टेकराज भुसाल,बुटवल । गत मंसिर २८ गते राति बुटवलको तिनाउ पुल नजिकै भएको सडक दुर्घटनामा ज्यान गुमाएका कपिलवस्तुका २३ वर्षिय स्वर्गीय हरि शर्मा (न्याैपाने)काे परिवारलाई आर्थिक सहयोग गरिएको छ।
नेपाल राष्ट्रिय पार्टी प्यालेस तथा क्याटरिङ्ग व्यवसायी महासंघ केन्द्रीय समितिकाे तर्फबाट स्वर्गीय हरि शर्मा (न्याैपाने)काे परिवारलाई नगद रु ५० हजार ५ सय रुपैयाँ आर्थिक सहयोग गरिएको हो।
नेपाल राष्ट्रिय पार्टी प्यालेस तथा क्याटरिङ्ग व्यवसायी महासंघकाे आठौं वार्षिक साधारणसभाकाे अवसर पारेर पुस २४ गते स्वर्गीय न्याैपानेकाे परिवारकाे तर्फबाट अर्घाखाँची क्याटरिङ्ग एण्ड पार्टी प्यालेस प्राली बुटवलका संचालक ज्ञानप्रसाद खनाललाई नगद रकम हस्तान्तरण गरिएको हो।
अर्घाखाँची क्याटरिङ्ग एण्ड पार्टी प्यालेस प्राली बुटवलका संचालक ज्ञानप्रसाद खनालले नेपाल राष्ट्रिय पार्टी प्यालेस तथा क्याटरिङ्ग व्यवसायी महासंघ केन्द्रीय समितिकाे तर्फबाट आएको ५० हजार ५ सय रुपैयाँमा अर्घाखाँची क्याटरिङ्ग एण्ड पार्टी प्यालेसकाे तर्फबाट ५० हजार रुपैयाँ थप गरि स्वर्गीय न्याैपानेकाे परिवारमा हस्तान्तरण गर्ने समेत बताउनुभएको छ।
स्वर्गीय न्याैपानेले बुटवल १३ बेलवासमा रहेको अर्घाखाँची क्याटरिङ्ग एण्ड पार्टी प्यालेस प्रालीमा गाडि चालकका रुपमा काम गर्दै आउनुभएको थियो।
