काठमाण्डाै – नेपाल प्रहरीको साइबर ब्युरोले जागिरको प्रलोभनमा अनलाइन ठगी बढेको भन्दै सचेत रहन आग्रह गरेको छ ।
ब्युरोले आज विज्ञप्ति निकालेर अनलाइन जागिरको आवरणमा फेसबुक, इन्स्टाग्राम, टेलिग्राम, ह्वाट्सएप, म्यासेन्जर, भाइबरलगायत प्लेटर्फमबाट लिङ्कहरू पठाएर ठगी हुने गरेका घटनाहरू बढेका बताएको छ ।
यस्तै ईसेवा, खल्तीजस्ता वालेट तथा बैंकिङ/वित्तीय संस्थाबाट बोलेको भनेर ओटीपी मागी रकम ट्रान्सफर गर्नेसम्मका घटनाहरू वृद्धि भएको ब्युरोका प्रहरी उपरीक्षक (एसपी) दीपकराज अवस्थीले निकाल्नुभएको विज्ञप्तिमा उल्लेख छ ।
