पहिरोले पुरिँदा शितगंगाका एकजना स्थानियको मृत्यु

हृदय भुसाल अर्घाखाँची ।  शितगंगा नगरपालिकामा पहिरोले गोठ पुरिदाँ एक जनाको मृत्यु भएको छ ।  बिहानदेखी परेको अविरल बर्षाका कारण शितगंगा नगरपालिका वडा १३ भंगला सिमलपानीमा गोठमाथीबाट खसेको पहिरोले पुरिदा ३५ बर्षिय बिष्णु थापाको जिल्ला प्रहरी कार्यालयले जनाएको छ ।
पहिरो खस्न थालेपछि पशुचौपाया फुकाउन गोठमा पसेका थापालाई पहिरोले च्याप्दा घटनास्थलमै मृत्यु भएको हो । गोठमा थापा संगै एक भैंसीको पाडो,दुई बाख्रा समेत च्यापिएको प्रहरीले जनाएको छ । घटनास्थलमा उद्धार र ब्यवस्थापनको कार्य ईलाका प्रहरी कार्यालयका प्रमुख प्रहरी निरिक्षक  रबिन्द्र चन्द सहितको टोलीले लागी रहेको वडा अध्यक्ष दुर्गा बिसीले जानकारी दिए । लामो समय पहिरोले पुर्दा जिवित उद्धार गर्न सक्ने अवस्था नरहेको स्थानियले बताए ।
निरन्तर पानी परिरहेको उद्धार कार्यमा थप चुनौती भएको प्रहरीनिरिक्षक रबिन्द चन्दले बताए । स्थानिय प्रशासनले पहिरोको जोखिमलाई ध्यानमा राखी सतर्क रहन र आबश्यक सुरक्षा अपनाउन समते अनुरोध गरेको छ ।