दक्षिण सुडानबाट विस्थापित भएकामध्ये पछिल्लो पाँच वर्षमा १४ लाख जनाभन्दा धेरै स्वदेश फर्किएका छन् । सन् २०१८ को अक्टोबर र सन् २०२४ को मे महिनामा भएको शान्ति सम्झौतापछि १४ लाखभन्दा धेरै दक्षिण सुडानी शरणार्थी स्वदेश फर्किएका संयुक्त राष्ट्रसंघको शरणार्थी निकायले जनाएको छ ।
केन्या, युगान्डा, सुडान, इथियोपिया, प्रजातान्त्रिक गणतन्त्र कङ्गो र मध्य अफ्रिकी गणतन्त्रलगायतका क्षेत्रमा दक्षिण सुडानका २२ लाख शरणार्थी रहेका छन् । युगान्डाले सबैभन्दा धेरै दक्षिण सुडानी शरणार्थीको शरण दिएको छ ।
संयुक्त राष्ट्रसंघले शरणार्थी स्वदेश फर्कनुको सबैभन्दा मुख्य कारणमा परिवारका सदस्यसँग पुनर्मिलन, दक्षिण सुडानमा सुरक्षा स्थितिमा सुधार र भूमि, सम्पत्ति र आवासको मूल्याङ्कन लगायत रहेको बताएको छ । शरणार्थीले आफ्नो शरणको देश छोड्नुको कारण असुरक्षा, रोजगारी, जीविको पार्जन र आर्थिक गतिविधिको अभाव र शरणार्थी शिविरमा खाद्य राशनमा कमि रहेको
