कविता : ” देशभक्त “

श्री भवानी नेपाल, दुबई ।

‘देशभक्त’

तिखारेर सगरमाथाको चुचुरो
निचारेर लालीगुराँसको रङ्ग
खोप्नु छ अटुट देशप्रेम
देखाउनु छ युगान्तकारी क्रान्ति।

राखेर साक्षी,
-हिमालका लेकहरुलाई
-पहाडका बेसीँहरुलाई
-तराईका फाँटहरुलाई

गर्नु छ तेजोभङ्ग,
-कान सुन्ने बैराहरुको
-आँखा देख्ने अन्धाहरुको
-बोल्न सक्ने लाटाहरुको

उपहारस्वरुप
कोमलभावले
-चिथोर्दै
-कोपर्दै
-ताछ्दै

लेखिदिनुछ ‘नीचाशय’ हरुको नशा नशामा
“जय मातृभूमी “

श्री भवानी नेपाल
ईटहरी:१२ खनार सुनसरी
हाल: युएई दुबई