सागर परियार
अर्घाखाँची । संयुक्त दलित अधिकारकर्मी संजाल अर्घाखाँचीले अर्घाखाँची जिल्लामा भर्खर मात्र सरुवा भइ आउनुभएका प्रमुख जिल्ला अधिकारी मिना अर्याललाई स्वागत गरेको छ । बिहीबार सन्धिखर्कमा एक कार्यक्रमको आयोजना गर्दै संयुक्त दलित अधिकारकर्मी संजालले प्रमुख जिल्ला अधिकारीलाई औपचारीक रुपमा स्वागत गरेको हो ।
स्वागत कार्यक्रमको लागि प्रजिअ अर्यालले धन्यवाद ज्ञापन गर्दै जिल्लाको शान्ति सुरक्षा र सुशासनको विषयमा ढृणता पुर्वक लाग्ने बताउनुभयो । उहाँले जिल्लामा दलितहरु माथि हुने जुन कुनै पनि विभेदलाई न्युनिकरण लागी कुनै पनि कसर बाकि नराख्ने र आवश्यक मागहरुलाई पनि सम्बोधन गर्ने बताउनुभएको थियो । स्वागत कार्यक्रममा संयुक्त दलित अधिकारकर्मी संजाल अर्घाखाँचीका संयोजक विष्णु परियार, सदस्यहरु ठाकुर सौराग आदर्श, दिनेश सुनार, मनिराम परियार, कुल बहादुर नेपाली, राजेन्द्र नेपाली, सागर परियार, इमान सिहं नेपाली, केश सुनार लगायतको उपस्थिती रहेको थियो ।
