तिहारको चौँथो दिन आज गोवर्द्धन पूजा गरी मनाइँदै

काठमाडौं ।

तिहारको चौँथो दिन आज
गोवर्द्धन पूजा गरी देशभर मनाइँदै छ ।

कार्तिक शुक्ल प्रतिपदा एवं यमपञ्चक अर्थात् तिहारको चौँथो दिन आज गाई, गोरु र कृषकको पूजा आजा गरी मीठो खानेकुरा खान दिएर मनाइँदैछ ।

हिन्दु धर्म अनुसार गाईलाई पवित्र मानी पूजा गर्ने वैदिक सनातन कालदेखिको विधि हो । गाईले दिने दूध आमाले खुवाएको दूध जत्तिकै पौष्टिक हुने भएकाले गाईलाई गौमाता भनी सम्मान गरिन्छ ।