- नेपाली कांग्रेसको १५औँ महाधिवेशनअन्तर्गत केन्द्रीय कार्यसमिति चयनका लागि आज मतदान हुँदैछ।
- मतपत्र छपाइमा ढिलाइ भएका कारण हिजोको मतदान आज बिहान ७ बजेका लागि सारिएको हो।
- नयाँ नेतृत्व चयनका लागि सात हजार २५५ प्रतिनिधिले मतदान गर्नेछन् जसमा सभापतिका लागि गगन थापा र श्यामकृष्ण खड्गीबीच प्रतिस्पर्धा छ।
काठमाण्डौ – नेपाली कांग्रेसको १५औँ महाधिवेशनअन्तर्गत केन्द्रीय कार्यसमिति चयनका लागि आज मतदान हुँदैछ । मतदान हिजै हुने भनिए पनि मतपत्र छपाइमा ढिलाइ हुँदा निर्धारित समयमा चुनावी प्रक्रिया शुरु गर्न नसकेको कांग्रेस निर्वाचन समितिले जनाएको छ ।
आज बिहान ७ बजे ज्येष्ठ मतदाताबाट मतदान शुरु गरी दिउँसो ३ बजेसम्म मतदान सक्ने तयारी छ । यसअघि हिजो बिहान ७ बजेका लागि हुने भनिएको मतदान १०, १ र २ बजेका लागि सार्दै आज बिहान बिहान ७ सम्मको लागि स्थगित गरिएको थियो ।
मतपत्र छपाइ लगायतका प्राविधिक काम हिजो दिउँसो सकिए पनि रातभर लगाएर चुनाव गराउनु उचित नहुने भएकाले आज बिहान मात्रै शुरु गर्ने तयारी भएको निर्वाचन समितिले जनाएको छ ।
नयाँ नेतृत्व चयनका लागि महाधिवेशनमा सहभागी ७ हजार २५५ जना महाधिवेशन प्रतिनिधिले मतदान गर्नेछन् । कांग्रेसको नयाँ सभापति पदका लागि गगन थापा र श्यामकृष्ण खड्गीबीच प्रतिस्पर्धा हुँदैछ ।
