समाचार सारांश
Auto Generated by AI
- रसुवाको टिमुरेमा बाढीले पुरिएकी ६ वर्षीया बालिकाको सशस्त्र प्रहरीले जीवितै उद्धार गरेको छ।
- माटोमुनि रोइरहेको आवाज सुनेपछि प्रहरीले तत्परता देखाएर उनको उद्धार गरेको हो।
- बालिकालाई उपचारका लागि हेलिकप्टरमार्फत काठमाडौँ पठाउने प्रयास भइरहेको छ।
काठमाण्डौ – रसुवाको गोसाईकुण्ड गाउँपालिका–२ टिमुरेमा बाढीका बेला माटोमुनि पुरिएकी ६ वर्षीया बालिकाको सशस्त्र प्रहरीले हिजो शुक्रबार बेलुका उद्धार गरेको छ ।
भोटेकोशी बाढीमा परेकाहरुको खोजी तथा उद्धारमा खटिएको सशस्त्र प्रहरीले माटोमुनि बालिका रोईरहेको आवाज सुनेपछि तत्काल खोजीकार्य शुरु गरी माटोमुनि पुरिएको अवस्थामा ती बालिकालाई फेला पारेको थियो ।
उद्धारपछि उनलाई सशस्त्र प्रहरी बल नेपाल बोर्डर आउट पोष्ट टिमुरेमा ल्याई न्यानो बनाई राखिएको थियो । उनलाई थप उपचारको लागि हेलिकप्टरमार्फत काठमाण्डौ पठाउने प्रयास भैरहेको सशस्त्र प्रहरीले जनाएको छ ।
बाढी प्रभावित क्षेत्रमा बेपत्ता भएकाहरुको खोज तथा उद्धार कार्यमा सशस्त्र प्रहरी बल नेपालको टोली निरन्तर परिचालन भईरहेको छ ।
