समाचार सारांश
Auto Generated by AI
- ललितपुर मालपोतका तीन नासु र दुई लेखापढी व्यवसायी घुससहित पक्राउ परेका छन्।
- जग्गा बकसपत्र गराउन हैरानी दिई सेवाग्राहीसँग घुस लिएको आरोप उनीहरूलाई लागेको छ।
- अख्तियारले उनीहरूको साथबाट तीन लाख र स्रोत नखुलेको थप रकम बरामद गरेको छ।
काठमाण्डौ — अख्तियार दुरुपयोग अनुसन्धान आयोगले जग्गा बकसपत्र गराउदा घुस लिएको आरोपमा भूमि प्रशासन कार्यालय, लगनखेल ललितपुरका तीन नासुसहित पाँच जनालाई पक्राउ गरेको छ ।
उनीहरुको साथबाट तीन लाख रुपैयाँ बरामद भएको छ । अख्तियारको टोलीले गएराति ललितपुर मालपोतका नासुहरु उत्तम कुँवर, विशाल सुन्दास र राजकुमार मगरलाई पक्राउ गरेको हो ।
उनीहरुसँगै लेखापढी व्यवसायी शैलेन्द्र रानामगर र समिर कटवाल समेत पक्राउ परेका अख्तियारका प्रवक्ता सुरेश न्यौपानले जानकारी दिनुभयो ।
जग्गाको बकसपत्र गराउने काममा दुःख र हैरानी दिएर सेवाग्राहीसँग घुस मागेको आरोपमा उनीहरु पक्राउ परेका हुन् ।
अख्तियारले उनीहरुसँग घुसबाहेक स्रोत नखुलेको २४ हजार ८ सय ९० रुपैयाँ पनि बरामद भएको जनाएको छ । उनीहरु एक होटलबाट पक्राउ परेका हुन् । पक्राउ परेकामाथी थप अनुसन्धान भैरहेको छ ।
