समाचार सारांश
Auto Generated by AI
- पूर्वगृहमन्त्री सुधन गुरुङमाथि छानबिन गर्न गठित समितिले सरकारलाई प्रतिवेदन बुझाएको छ।
- समितिका संयोजक अच्युतमप्रसाद भण्डारीले प्रधानमन्त्री वालेन्द्र शाहलाई सो प्रतिवेदन हस्तान्तरण गर्नुभएको हो।
- व्यापारीको कम्पनीमा शेयर लगानी गरेको विवादमा गुरुङले गत वैशाखमा राजीनामा दिनुभएको थियो।
काठमाण्डौ – पूर्वगृहमन्त्री सुधन गुरुङमाथि छानबिन गर्न गठित समितिले आफ्नो प्रतिवेदन सरकारलाई बुझाएको छ । छानबिन समितिका संयोजक अच्युतमप्रसाद भण्डारीले प्रतिवेदन आज प्रधानमन्त्री वालेन्द्र शाह समक्ष बुझाउनुभएको हो ।
गएको वैशाख २८ मा पूर्व न्यायाधीश भण्डारीको नेतृत्वमा महालेखा नियन्त्रक शोभाकान्त पौडेल र महान्यायाधिवक्ताको कार्यालयका सहन्यायाधिवक्ता अच्युतमणी नेउपाने सदस्य रहेको समिति गठन भएको थियो । छानबिन समितिले गुरुङसँग बयान लिएर प्रतिवेदन तयार पारेको हो ।
व्यवसायी दीपक भट्टको लिबर्टी माइक्रो इन्स्योरेन्स र स्टार माइक्रो इन्स्योरेन्सको शेयर किनेको विषयमा समितिले छानबिन गरेको हो । भट्टको कम्पनीमा नाम जोडिएपछि गएको वैशाख ९ मा गुरुङले गृहमन्त्रीबाट राजीनामा दिनुभएको थियो ।
