चितवन – आजदेखि अण्डाको भाउ घटेको छ । नेपाल लेयर्स कुखुरापालक सङ्घले आजदेखि लागू हुने गरी नयाँ मूल्य घटाएको हो ।
नेपालमा उत्पादन बढेको र यही समयमा भारतबाट पनि अण्डा नेपाल भित्रिएपछि मूल्य घटेको सङ्घका अध्यक्ष विनोद पोखरेलले जानकारी दिनुभयो । अब मार्फको समर्थन मूल्य ठूलो अण्डा प्रतिक्रेट अर्थात ३० वटाको ३ सय ७५ र मिडियमको ३ सय ३५ कायम भएको छ ।
यसअघि माघ २२ गते ठूलो अण्डा प्रतिक्रेट ४ सय ३५ र मिडियम ४ सय ५ रुपैयाँ तोकिएको थियो । माघ ११ गते ठूलो अण्डा ४ सय ९५ र मिडियमको ४ सय ७५ रुपैयाँ पुगेको थियो । गएको मङ्सिरमा अण्डाको मूल्य अहिलेसम्मकै उच्च भएको थियो । त्यसबेला फार्ममा ठूलो अण्डा प्रतिकेक्रट ५ सय ६५ रुपैयाँ र मझौलाको ५ सय ५० थियो ।
सङ्घले देशभरका फर्मबाट मूल्य लिएर चितवनलाई आधार मानेर अण्डाको समर्थन मूल्य जारी गर्ने गर्दछ ।
