हृदय भुसाल अर्घाखाँची ।अर्घाखाँची जिल्लाबाट नेपाल कम्युनिस्ट पार्टीका प्रतिनिधि सभा सदस्यका उम्मेदवार राम बहादुर चौहानले आफू जनताको सेवामा निरन्तर समर्पित रहेको बताएका छन्। मालारानी गाउँपालिका वडा नम्बर २ र ३ मा आयोजित मतदाता संघसँगको भेटघाट कार्यक्रममा बोल्दै उम्मेदवार चौहानले यस्तो बताएका हुन्।
उहाँले लामो समयदेखि जनताको सेवामा सक्रिय रहँदै आएको उल्लेख गर्दै, आफूले नेतृत्व गरेको अवधिमा जिल्ला अस्पताल लगायत विभिन्न संस्थामा उदाहरणीय काम गरिएको दाबी गर्नुभयो। अहिलेसम्म आफूले गरेका कुनै पनि काममा कसैले प्रश्न उठाउन नसकेको बताउँदै, अर्घाखाँचीको समग्र विकासका लागि यसपटक आफूलाई विजयी गराउन सम्पूर्ण मतदातासमक्ष आग्रह गर्नुभयो।
उम्मेदवार चौहानले जनताको भरोसा र समर्थनकै आधारमा जिल्लाको विकास, सुशासन र सेवा प्रवाहलाई अझ प्रभावकारी बनाउने प्रतिबद्धता समेत व्यक्त गर्नुभयो ।
जनताको सेवामा निरन्तर समर्पित छु : उम्मेदवार चौहान
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
हाँस्यास्पद
आक्रोशित
तपाईको प्रतिक्रिया
प्रतिक्रियाहरु (०)

























