यो दुनियाँ जालीझेलीको हो

निम्बतरु

यो दुनियाँ जालीझेलीको हो
नसोच्नु, साथी सहेलीको हो

बनावटी हो भने पनि एउटा दृष्टि हो
यो त एउटा केमिस्ट्री हो पानी फोटो हो
के को प्रेम के को अनुभूति हो
यो दुनियाँ जालीझेलीको हो
नसोच्नु ,सुबासिलो जाईबेलीको हो

सृँगार हो भने पनि एउटा एक्लो आभास हो
प्रेम त हावामा उडिरहेको सुवास हो
के हो खुशी, यो श्वास के हो
यो दुनियाँ जालीझेलीको हो
नसोच्नु,तिम्रो सुसेलीको हो

प्रेम भनेको क्षणिक बैराग्य हो
नसोच्नु आ-आफ्नो सौभाग्य हो
त्यो कृपा ईश्वरको आज्ञा हो
यो दुनियाँ जालीझेलीको हो
नसोच्नु,ओठ र परेलीको हो