काग प्रवृत्ति

निम्बतरु

काग र कागसँगसम्बन्धित
काग र कागसँग सँगठित मानसिकताहरु
आज घर वरिपरि उडे एक फनक

काग र काग- बथान लगायत
काग र कागजन्य प्रवृत्तिहरु
आज घर वरिपरि घुमे एक लर्कन

काग , काग समेत र काग तुल्य
काग र काग सम्बन्धि परम्परा
दही जस्तै जमिरहेछ
जति दूध मिसाउनु दही नै बन्छ

काग,कागसम्म र काग समान
काग र काग समावेश अवस्थाहरु
काग र काग सहित चालचलनहरु
मेरो आँगन वरिपरि घुमिरहेथ्यो
म पापड पेल्न बसिरहेथें
दुई दुखीको मेलापातमा
कोरस गाइरहेथें
भैंसीको अगाडि बिन बजाउनु जत्तिकै भयो पो ।