घातक फूल

निम्बतरु

सुँघ्दै नसा लाग्ने फूलहरु छन् बाटा छेउछाउ
धतुराको फूल जस्तै
चमेलीको फूल जस्तै
यी मध्ये तिमी अझ तेज

छुँदै बिष लाग्ने फूलहरु पनि बाटाभरि
प‍ोइजन आइभी जस्तै
कनौलो फूल जस्तै
तिमीहरु जस्तै घातक

हेर्दा सुन्दर देखिएपनि
हेर्दै घात लाग्ने फूलहरु देखेको छु बाटो वरपर
सपनामा देखिएपनि
घातक लाग्ने फूलहरु हुन्छन्
तर डर
मृत्यु पछि पनि सजाय पाइरहने हुन सक्छ

जे भने पनि
घुम्टोभित्रबाट हेर्ने सुन्दर चेहरा
घातक छ सबैभन्दा भयानक