समाचार सारांश
Auto Generated by AI
- यातायात व्यवस्था विभागले आजदेखि देशभर लामो तथा मध्यम दूरीका गाडीका लागि रुट परमिट खुला गरेको छ।
- दशैँका लागि शुक्रबारदेखि नै अग्रिम टिकट बुकिङ सुरु भइसकेको छ।
- यात्रुको सुविधाका लागि काठमाडौंका १५ स्थानमा सहायता कक्ष स्थापना गरिएका छन्।
काठमाण्डौ – यातायात व्यवस्था विभागले आजदेखि लामो तथा मध्यम दूरीका गाडीलाई देशभर यात्रु लिएर जान मिल्ने गरीरुट परमिट खुला गरेको छ ।
आज घटस्थापनादेखि आउँदो कात्तिक १० गतेसम्म रुट परमिट खुला गर्ने निर्णयअनुसार आजदेखि रुट परमिट खुला भएको हो । यसअनुसार लामो तथा मध्यम दूरीका गाडीले जुनसुकै जिल्लामा पनि यात्रु लिएर जान सक्नेछन् ।
दशैँका लागि अस्ति शुक्रबारदेखि अग्रिम टिकट बुकिङ खुलिसकेको छ । त्यस्तै काठमाण्डौ उपत्यकाका विभिन्न १५ ठाउँमा यात्रु सहायता कक्ष सञ्चालन भएका काठमाण्डौ उपत्यका ट्राफिक प्रहरी कार्यालयले जनाएको छ ।
नयाँ बसपार्क, बल्खु चोक, फर्पिङ, कलंकी, नागढुंगा, हलचोक, चाबहिल, कोटेश्वर, भीमढुंगा चेकपोस्ट, तीनपिप्ले, टोखा, साँखु बसपार्क, नाङ्लेभारे चेकपोस्ट, जगाती चोक र चापागाउँ चेकपोस्टमा यात्रु सहायता कक्ष खोलिएका छन् ।
