समाचार सारांश
Auto Generated by AI
- आज मधेशबाहेकका पहाडी क्षेत्रका केही स्थानमा ठूलो वर्षाको सम्भावना छ।
- राति कोशी र बागमतीका पहाडी भेगमा मुसलधारे वर्षा हुन सक्ने भन्दै सतर्कता अपनाउन आग्रह गरिएको छ।
- मनसुनी वायुको प्रभावका कारण अहिले देशभर वर्षा भइरहेको छ।
काठमाण्डौ — आज मधेशबाहेक सबै प्रदेशको पहाडी एक/दुई ठाउँमा ठूलो वर्षाहुने सम्भावना रहेकाे छ ।
जल तथा मौसम पूर्वानुमान महाशाखाकाअनुसार आज दिउँसो कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशको पहाडी भागका एक/दुई ठाउँमा ठूलो पानी पर्ने अनुमान छ ।
त्यस्तै आजराति कोशी र बागमती प्रदेशको पहाडी भागका एक/दुई ठाउँमा मुसलधारे पानी पर्ने सम्भावना भएकाले सर्तकता अपनाउन महाशाखाले आग्रह गरेको छ । कोशी प्रदेशको तराई र मधेश प्रदेशका केही ठाउँमा भने हावाहुरीको सम्भावना रहेको छ ।
अहिले देशभर मनसुनी वायुको प्रभाव रहेको छ । गएराति सुदूरपश्चिम, कर्णाली र कोशी प्रदेशका धेरैजसो पहाडी जिल्लामा हल्कादेखि मध्यम वर्षा भएको छ । पछिल्लो १२ घण्टामा सबैभन्दा धेरै खोटाङको ऐसेलुर्खकमा ५९ मिलिमिटर वर्षा मापन भएको छ ।
