समाचार सारांश
Auto Generated by AI
- चिकित्सक र स्वास्थ्यकर्मीमाथि भएको आक्रमणको विरोधमा नेपाल चिकित्सक सङ्घले देशभरका अस्पतालमा आकस्मिकबाहेकका सेवा बन्द गरेको छ।
- वीरगञ्जको नारायणी अस्पतालमा चिकित्सकमाथि भएको कुटपिट र तोडफोडका दोषीलाई कडा कारबाही गर्न सङ्घले माग गरेको छ।
- घटनामा संलग्नलाई कारबाही नभएसम्म आन्दोलन जारी राख्दै सङ्घले थप कार्यक्रमका लागि सर्वपक्षीय भेला बोलाउने जनाएको छ।
काठमाण्डौ – नेपाल चिकित्सक सङ्घले आज देशभरका अस्पतालमा आकस्मिकबाहेकका सेवा बन्दको घोषणा गरेको छ ।
सङ्घले चिकित्सक तथा स्वास्थ्यकर्मीमाथि धरपकड र दमनको विरोधमा आज देशभरका अस्पतालमा आकस्मिकबाहेकका सबै सेवा बन्दको घोषणा गरेको हो । गएको साउन ९ गते नारायणी अस्पताल, वीरगञ्जमा कार्यरत चिकित्सक तथा स्वाथ्यकर्मीमाथि भएको आक्रमण र अस्पतालमा भएको तोडफोडको घटनामा सङ्घले दोषीलाई कारबाहीको माग गरेको छ ।
घटनामा डा. प्रमोद रामको टाउकोमा गम्भीर चोट लागेको र अन्य स्वास्थ्यकर्मीमाथि आक्रमणमा संलग्नलाई समेत कारबाही गर्न सङ्घले माग गरेको छ । पर्साका प्रहरी उपरीक्षक र प्रमुख जिल्ला अधिकारीलाई पनि कारबाहीको माग गरेको सङ्घले आन्दोलनको थप कार्यक्रम सर्वपक्षीय भेलापछि तय गर्ने जनाएको छ ।
