समाचार सारांश
Auto Generated by AI
- गएराति र आज बिहान देशका पूर्वी तथा मध्य भेगमा वर्षा भएको छ।
- कोशी, बागमती, गण्डकी, लुम्बिनी, कर्णाली र सुदूरपश्चिमका पहाडी क्षेत्रमा आज वर्षा र चट्याङको सम्भावना छ।
- लुम्बिनी र सुदूरपश्चिम लगायतका तराई भूभागमा आज पनि तातो हावा र तातो दिन रहनेछ।
काठमाण्डौ — गएराति र आज बिहान पूर्वी र मध्य भेगका धेरै ठाउँमा वर्षा भएको छ । आज दिउँसो पनि कोशी प्रदेशका हिमाली र पहाडी भूभागका केही ठाउँमा तथा बागमती र गण्डकी प्रदेशका हिमाली र पहाडी भूभागका थोरै ठाउँमा, लुम्बिनी, कर्णाली र सुदूरपश्चिम प्रदेशका हिमाली र पहाडी भूभागका एक, दुई ठाउँमा मेघगर्जन र चट्याङ्गसहित मध्यमसम्मको वर्षाको सम्भावना छ ।
यस्तै कोशी प्रदेशका तराई भूभागका थोरै ठाउँमा तथा मधेश प्रदेशको एक, दुई ठाउँमा मेघगर्जन र चट्याङ्गसहित मध्यमसम्मको वर्षाको सम्भावना रहेको मौसम पूर्वानुमान महाशाखाले जनाएको छ ।
महाशाखाका अनुसार आज पनि लुम्बिनी र सुदूरपश्चिम प्रदेशका तराई भूभागका केही ठाउँहरुमा तातो लहर तथा बागमती र गण्डकी प्रदेशका तराई भूभागका केही ठाउँमा पनि तातो दिन हुने सम्भावना छ ।
