सुपादेउराली सांस्कृतिक समाज काठमाडौँद्वारा सहयोग सामग्री हस्तान्तरण

मुकुन्द भुसाल काठमाडौ ।अर्घाखाँची काठमाडौँ सांस्कृतिक समाज, काठमाडौँद्वारा सहयोगी समाज नेपाल अनाथालय (जोरपाटी, काठमाडौँ) मा न्यानो कपडा तथा ब्लाङ्केट वितरण गरिएको छ।
सामाजिक उत्तरदायित्वअन्तर्गत आयोजित यस कार्यक्रममा अर्जुन कुँवर, भानु खनाल, सुभाष ज्ञवाली, मतिराज खनाल, मुकुन्द घिमिरे, कृष्ण भुसाल, ध्रुव बस्नेत, काशीनाथ घिमिरेलगायतको सक्रिय टोली उपस्थिति थियो।
कार्यक्रममार्फत अनाथालयमा आश्रित बालबालिकालाई न्यानो कपडा र ब्लाङ्केट वितरण गरियो, जसले चिसो मौसममा बालबालिकाको सुरक्षा र सु–स्वास्थ्यमा महत्वपूर्ण योगदान दिने अपेक्षा गरिएको छ।
सामाजिक सेवामा निरन्तर सक्रिय रहँदै आएको अर्घाखाँची काठमाडौँ सांस्कृतिक समाजले गरेको यो काम अत्यन्त सराहनीय, उल्लेखनीय र प्रेरणादायी रहेको अनाथालय पक्षले जनाएको छ।
समाजका पदाधिकारीले आगामी दिनमा पनि यस्ता मानवसेवा सम्बन्धी कार्यक्रम निरन्तर रूपमा चलाइने प्रतिबद्धता दिएका छन्।