सबै सकिएको मान्छे म

निम्बतरु

बाटो सकिएको मान्छे म
पिठो सकिएको हंसपुरजस्तो
धर्म सकिएको पन्चधाराजस्तो
मगर सकिएको साकिन्धारा सिन्द्रेजस्तो
शास्त्र सकिएको पजिङखोला जस्तो
हिसाब सकिएको रतनमारेजस्तो
निसाफ सकिएको बराहथानजस्तो
त्यतिखेर दरबार पुग्यो बाटो सकियो भनिन्थ्यो
जताबाट गए पनि घाटमा पुगेपछि बाटो सकियो भनिन्थ्यो
अहिले हामी यस्तै हालतमा हो
यस्तै सकसमा हो हामी
सबै सकिएको मान्छे जस्तो
भन्छन् आँसुको पनि बाटो सकियो
यस्तै सकसमा छ देश ।