काठमाण्डाै – आज बागमती, गण्डकी र लुम्बिनी प्रदेशका सबैजसो ठाउँसहित देशका धेरै ठाउँमा पानी परेको छ ।
जल तथा मौसम विज्ञान विभागका अनुसार पछिल्लो १२ घण्टामा कपिलवस्तुको चन्द्रौटामा ९१ दशमलव ४ मिलिमिटर पानी परेको छ । यसैगरी बुटवलको तिलोत्तमा, नवलपरासीको परासी, चितवनको गोविन्दाबस्तीसहित स्याङ्जा र सर्लाहीको पथ्थरकोटमा ठूलो पानी परेको छ ।
केही दिनदेखि सक्रिय रहेको प्रणालीले आज पनि वर्षा गराएको हो ।
यसैबीच अरब सागरबाट आएको जलवाष्पयुक्त हावा पूर्व उत्तरतिर सरिरहेकोले अहिले गण्डकी प्रदेशबाट पूर्वतर्फ वर्षा भइरहेको मौसमविद् डेविड ढकालले जानकारी दिनुभयो । उहाँका अनुसार केही दिनमा पानी पर्ने क्रम घट्दै जानेछ ।
आज राति गण्डकी, बाग्मती, मधेश र कोशी प्रदेशका १/२ ठाँउमा ठूलो पानी पर्ने सम्भावना रहेको मौसमविद् ढकालले जानकारी दिनुभयो । भोलि गण्डकी, बाग्मती, मधेश र कोशी प्रदेशका थोरै ठाँउमा मध्यम वर्षाको सम्भावना रहेको छ ।स्रोत उज्यालो
