अर्घाखाँचीमा इम्बोस नम्बरको विरोध 

अर्घाखाँची । सोमबार बिहान अर्घाखाँची जिल्लाको सदरमुकाम सन्धिखर्कमा सरकारले सवारी साधनहरुमा  अनिवार्य ईम्बुस नम्बर प्लेट राख्न निर्देशन गरे सगै उक्त कार्यको बिरोध गरिएको छ ।   जिल्लाको सन्धिखर्क नगरपालिका २ भक्तिटोला चोकमा स्वतन्त्र युवा नागरिक हरूले सवारी साधनमा इम्बोस् नम्बर सिस्टम चाहिँदैन,नागरिक लुट्न पाइँदैन, इम्बोस सिस्टम खारेज गर नेपाली भाषा मेट्न पाइँदैन। लगायतका विभिन्न नारा लेखिएका प्लेकार्ड सहितको नारा जुलुस  सहित कोण सभा कार्यक्रम समेत  सम्पन्न भएको छ ।
स्वतन्त्र पत्रकार अर्घाखाँचीका अध्यक्ष गुरुदेव खनालले समन्वय गरि आयोजना गरिएको  कार्यक्रममा समाजसेवी नागरिक हेमराज भुसालले इम्बोस नम्बर सिस्टमको विरोध गर्न पर्ने अवस्था र यसले नागरिकलाई पर्न गएको असरको बारेमा कोण सभालाई सम्बोधन गरेका थिए। यातायात व्यावसायि लगायत विभिन्न क्षेत्रका अगुवाहरुको समेत  विरोध प्रदर्शनमा निकै बाक्लो उपस्थिति देखिएको थियो ।