निम्बतरु
खोल ब्रान्डेड,माल मृत्यु बराबर
बाहिर सुवास, भित्र नक्कली माल कहिलेकाहीँ त सिधा बिष
राजनीति पर्खालमा परिवर्तन, भित्ताभित्र पुरानै भूत
समाज संस्कारको नाममा हिंसा र भेदभाव
प्लास्टिकको फूलझैं देखिने दुनियाँ,
सुन्दरतामा साँचो गन्ध हराएको छ
आजका धर्मगुरुहरू त क्रेडिट कार्डमा स्वर्ग बेच्न थालेका छन्
आजभोलिको अनुहार
धोएपछि मात्र थाहा लाग्छ के-कस्तो हो
प्रेममा त हिराको स्टीकर हुन्छ
भरोसा ना`को बराबर
आजकल सत्यले खोल पाउँदैन, र झूटले लेबल पाउँछ
आकर्षक सजावटको प्रलोभनमा
रोचक बनावट देखाएर
नक्कली आकर्षण फूलको सौन्दर्य देखाएर जो घात गर्छन
कोइलीले आफ्नो मासुम र नादान अण्डा
अर्काको गुँडमा कोरल्न बाध्य पारे झैं
आजभोलि राजनीतिले
बेइमानी कोरलीरहेछ कंगारु मायाजालमा
अझ फेक इन्जुरी बेहेभिएर देखाएर
उस् !
असली ध्यान भड्काएर आफ्नो हासिल गर्छ
आजको व्यापारी
बाहिरी मोहकता
कताको यथार्थ हुनु !
जहाँ सबै सुन्दरता निर्दोष हुदैन
आजको रंगीनता ,मुस्कान र सेवा पनि निर्दोष छैनन् ।
आजको युगमा बाँच्न
एउटा घाउ निको पार्न अर्को सहनै पर्छ ।
