हृदय भुसाल अर्घाखाँची ।मदन भण्डारी फाउन्डेसन, अर्घाखाँचीले ७४ औं मदन जयन्तीको अवसरमा विशेष अन्तरक्रिया कार्यक्रम आयोजना गर्ने भएको छ ।
“जननेता मदन भण्डारी र नेपालको लोकतान्त्रिक आन्दोलन” विषयक अन्तरक्रिया कार्यक्रम यही असार १४ गते शनिबार हुने फाउन्डेसनका जिल्ला संयोजक श्रीकृष्ण भुसालले जानकारी दिनुभएको छ ।
भुसालका अनुसार कार्यक्रम सन्धिखर्कस्थित होटल साथीमा आयोजना गरिने छ । कार्यक्रममा विभिन्न राजनीतिक दलका प्रतिनिधिहरू, बुद्धिजीवी, नागरिक समाजका अगुवा,पत्रकार तथा स्थानीयवासीहरुको समेत उल्लेख्य उपस्थिति रहने आयोजकले जानकारी दिएका छन् ।
जननेता मदन भण्डारीको योगदान र नेपालको लोकतान्त्रिक आन्दोलनको ऐतिहासिक महत्वबारे गहन छलफल गरिने संयोजक भुसालले बताएका छन् ।
नेपाली राजनीति वृतमा उच्च राजनीति कद भएका स्वर्गीय मदन भण्डारीको स्मृतिमा प्रत्येक वर्ष नेपालभर विभिन्न कार्यक्रम हुँदै आएका छन् । जनताको बहुदलीय जनवाद जस्तो सिद्धान्तको प्रतिपादन गरेका भन्डारी तत्कालीन बेला निकै चर्चामा हुनुहुन्थ्यो । उक्त सिद्धान्त यति लामो समय हुँदा पनि उतिकै सादर्भिक छ । मदन भण्डारी फाउन्डेसनले विभिन्न खालका रचनात्मक कार्य गर्ने भन्दै निरन्तर रुप यस्ता खालका कार्यक्रम हरु अगाडी बढाउने फाउन्डेसनका संरक्षक एबम एमाले नेता प्रेम नारायण गैरेले बताउनु भयो । केहि समय अगाडी जिल्लाका बामपन्थी बुद्धिजिबिहरुको भेलाबाट गठन भएको फाउन्डेसन छोटो समयमै कृयाशिल देखिएको छ ।
