निम्बतरु
गरुड पुराणमा छ
मृत्युपछि तेह्र दिनसम्म हरकोही प्रेत रहन्छ
तब ?
हरकोही रङ्कदेखि राजासम्म
अनि के को खस् खस् !
म पद्यपान गरुँ कि गद्यपान गरुँ
मद्यपान गरुँ
आजको कुन अद्यपान गरुँ
प्रेतात्मा
नरक विद्रुप त यतै भोगिएको छ
स्वर्ग जानू अघि पनि कैयौं किमि
लगभग तेह्र-लाख किलिमिटर
नर्क यात्रा गर्नैपर्छ
यमलोक यात्रा तेह्र दिन गर्नैपर्छ
कर्म अनुसार नरकद्वार,
काँडेदार वन, आगोका खोँच र डरलाग्दा नदीहरू पार गर्नुपर्छ
तब?
के ठूला गर्छौ ए ! साईँला
हिन्दुप्रथा अनुसार
मुखाग्नि दिएर
चिताको अग्निमा समर्पण गर्नैपर्छ
जलेर मात्रै सुख छैन
खरानी खोलामा बगाउनै पर्छ
तब ?
के ठूला गर्छौ ए ! साईँला
