जिन्दगी लखरढाङ

निम्बतरु

हकीकतमा के छ जिन्दगी साथी
रहस्यमा छ जिन्दगी

मन पाकेको पाक्यै छ
गिजिल गिजिल गुजुगुजु
हरो भयो क्यारे ?

जिन्दगी लखरढाङ
को आयो को गयो
जान्छ आउँछ
कस्ले राख्छ हिसाब
ढल्छ कुनदिन गर्ल्यम्म !

जिन्दगी
सुतीको कपडाजस्तो फ्यास्स !
को गएन र ?
संसारबाट
यति चित्त दुख्छ
डाँडैको लाँकुरी हावैले प्यात्त !

मन्छे कि बाटैमा भेट्छु
कि घाटैमा भेट्छु
भीरैमा भएपनि फाँटैमा भएपनि
बाटैमा भएपनि टाँटैमा भएपनि

हकीकतमा के छ जिन्दगी ?
धुलमुलमा छ ।