काठमाण्डौ – स्वतन्त्र विद्यार्थी युनियन (स्ववियु) चुनावका लागि उम्मेदवारहरूको मनोनयन दर्ता भइरहेको छ । आज बिहान ११ बजेदेखि दिउँसो २ बजेसम्म मनोनयन दर्ता गर्ने कार्यतालिका छ ।
यसअघि हिजो प्रत्यक्ष तथा समानुपातिक उम्मेदवारहरूको मनोनयनपत्र वितरण तथा विद्यार्थी सङ्गठन दर्ता भएको थियो । त्रिभुवन विश्वविद्यालय (त्रिवि) का आङ्गिक र सम्बन्धन प्राप्त क्याम्पसमा आउँदो चैत ५ गते स्ववियु चुनाव हुँदैछ ।
त्रिविका ६२ आङ्गिक र एक हजार ४० सम्बन्धन प्राप्त क्याम्पसमा चुनाव हुन लागेको हो । चुनावमा २८ वर्षे उमेर हद र मिश्रित निर्वाचन प्रणालीको व्यवस्था गरिएको छ ।
