हृदय भुसाल अर्घाखाँची । नेपाल प्रहरी श्रीमती संघ लुम्बिनी प्रदेशको आयोजनामा,जिल्ला प्रहरी कार्यालय अर्घाखाँचीको समन्वयमा बाल आधारभुत बिधालय सनपा १ तुमकोटमा प्रहरी महानिरीक्षक बसन्त कुवरकि श्रीमती सोही बिधालयमा प्रारम्भिक शिक्षा अध्ययन गर्नु भएका संघका केन्द्रिय अध्यक्ष लक्ष्मी पराजुली कुवर सहित संघको टिमद्वारा ५३ जना कक्षा ५ सम्मका बिद्यार्थीहरु लाई शैक्षिक सामग्री हस्तान्तरण कार्यक्रम सम्पन्न भएको छ । बि.स २०१९ साल बैशाख २ गते स्थापना भएको उक्त बिधालयमा संघका केन्द्रिय अध्यक्ष लक्ष्मी कुवरले २०३२ साल देखी ३५ साल सम्म अध्ययन गरेको बताइन् । श्रीमती संघले आफ्नो स्थापना कालदेखी नै सामाजिक कार्यहरु गर्दै आएको भन्दै अध्यक्ष कुवरले आफू जन्मेको गाउँ र प्रारम्भिक शिक्षा लिएको बिधालयमा शैक्षिक सामग्री बितरण गर्न पाउँद खुसी लागेको बताइन् । बिधालयका संस्थापक प्रधानध्यापक बिष्णु रानाको अथक प्रयास बाट स्थापना भएको बिधालय विभिन्न आरोह अबरोह पार गर्दै यहाँ सम्म आएको शिक्षा बिकास तथा समन्वय इकाई अर्घाखाँचीका प्रमुख मनिराम पराजुलीले बताए । बिधालयमा बिद्यार्थी हरुलाई शैक्षिक सामग्री हस्तान्तरण गरि महत्त्वपूर्ण काम गरेको बिधालय ब्यबस्थापन समितिका अध्यक्ष बिष्णु बस्यालले बताए । कार्यक्रममा सबैलाई बिधालयको तर्फबाट स्वागत गर्दै प्रधानध्यापक बिष्णु खनालले धन्यवाद व्यक्त गरेका थिए । लामो इतिहास भएको बिधालयले निकै महत्त्वपूर्ण ब्यक्तित्व समेत उत्पादन गर्न सफल भएको समाजसेबि लक्ष्मण पराजुलीले बताए । कार्यक्रममा जिल्ला प्रहरी कार्यालय अर्घाखाँचीका प्रमुख प्रतीतसिह राठौर,शिक्षा बिकास समन्वय इकाई प्रमुख मनिराम्म पराजुली,पत्रकार महासंघका अध्यक्ष अशोक खनाल सनपा १ का वडा सदस्य भगवती पान्डे बिक, संघका लुम्बिनी प्रदेश सचिब सरिता पराजुली अधिकारी लगायतको आथित्यता रहेको थियो । कार्यक्रम संघका लुम्बिनी प्रदेश अध्यक्ष निलम कठायतको अध्यक्षता, प्रअ बिष्णु खनालको स्वागत र शेषनारायण अधिकारीको संचालकमा सम्पन्न भएको थियो ।
