नविन रसाईली अर्घाखाँची । अर्घाखाँची जिल्लाको मालारानी गाउँपालिका वडा नं. ३ को आर्दश माध्यमिक विद्यालय केन्द्र (ख) को बाहेक जिल्लाका सबै स्थानमा मतदान सम्पन्न भएको जिल्ला निर्वाचन अधिकारी सुरेश भण्डारीले जानकारी दिनुभएको छ । उहाँका अनुसार विहान ७ बजेदेखि साँझ ५ बजेसम्म भएको मतदानमा जिल्लाभर ५४ प्रतिशत मत खसेको छ ।
भण्डारीले मालारानी ३ को आर्दश मा.वि. मा भइरहेको मतदान १० बजेसम्म चल्ने जानकारी दिनुभयो । आर्दश मा.वि.मा करिव ६७ मतपत्र प्रदेश र संघ तर्फ एउटै (प्रदेश सभाको) परेकोले पुनः ५ बजेदेखि मतदान सुरु भएको जानकारी प्राप्त भएको छ ।
अर्घाखाँचीमा शान्त तरिकाले मतदान सम्पन्न भएको प्रमुख जिल्ला अधिकारी शसिधर घिमिरेले बताउनुभयो ।
अर्घाखाँचीको सितगंगा नगरपालिकामा कुल १७ हजार ३ सय ५० मत खसेको छ । यस्तै पाणिनी गाउँपालिकामा १२ हजार ७ सय ११ मत खसेको छ । अन्य स्थानको पालिका स्तरिय विवरण आउन बाँकी रहेको छ ।
मतदान सम्पन्न भएका स्थानका मतपेटिकाहरु सदरमुकाम सन्धिखर्कमा ल्याइदै गरेको जानकारी आएको छ ।
