समाचार सारांश
Auto Generated by AI
- मधेश, लुम्बिनी र सुदूरपश्चिममा आज हावाहुरीको सम्भावना रहेकाले सावधानी अपनाउन आग्रह गरिएको छ।
- कोशी, बागमती, गण्डकी, कर्णाली र सुदूरपश्चिमका केही स्थानमा मेघगर्जन र चट्याङ्गसहित वर्षा हुनेछ।
- बागमती र कोशी प्रदेशका केही क्षेत्रमा पछिल्लो तीन घण्टादेखि सामान्य वर्षा भइरहेको छ।
काठमाण्डौ — आज मधेश, लुम्बिनी र सुदूरपश्चिमका थोरै ठाउँमा हावाहुरीको सम्भावना रहेको छ । मौसम पूर्वानुमान महाशाखाले आज बेलुका र राति मधेश, लुम्बिनी र सुदूरपश्चिमका थोरै ठाउँमा हावाहुरीको सम्भावना रहेकाले सावधानी अपनाउन आग्रह गरेको छ ।
आज दिउँसो कोशीसहित बागमती, गण्डकी र कर्णाली प्रदेशका हिमाली र पहाडी भागमा साधारणतया बादल लाग्नेछ । बाँकी हिमाली, पहाडी र तराई भागमा आंशिक बादल लाग्ने सम्भावना छ । कोशीका केही ठाउँ, बागमती, गण्डकी र कर्णाली प्रदेशको हिमाली र पहाडी भागका थोरै ठाउँ तथा सुदूरपश्चिम प्रदेशको हिमाली, पहाडी भागका र मधेश प्रदेशको एक/दुई ठाउँमा मेघगर्जन/चट्याङ्गसहित मध्यमसम्मको वर्षाको सम्भावना रहेको महाशाखाले जनाएको छ ।
पछिल्लो तीन घण्टामा बागमती र कोशी प्रदेशका केही ठाउँमा सामान्य वर्षा भएको छ ।
