समाचार सारांश
Auto Generated by AI
- गएराति देशका विभिन्न ठाउँमा वर्षा भएको मौसम पूर्वानुमान महाशाखाले जनाएको छ।
- आज कोशी, मधेश, बागमती र गण्डकीका केही स्थानमा मेघगर्जनसहित वर्षाको सम्भावना छ।
- लुम्बिनी, सुदूरपश्चिम, बागमती र गण्डकीका तराई क्षेत्रमा आज तातो लहर र तातो दिन हुनेछ।
काठमाण्डौ — गएराति देशका केही ठाउँमा पानी परेको छ । पूर्वदेखि पश्चिमसम्मकै केही ठाउँमा पानी परेको मौसम पूर्वानुमान महाशाखाले जनाएको छ । अरु ठाउँको तुलनामा गण्डकी र लुम्बिनी प्रदेशमा धेरै पानी परेको छ ।
कोशी, बागमती, मधेश, कर्णाली र सुदूरपश्चिम प्रदेशका एक–दुई ठाउँमा पनि पानी परेको छ । आज दिउँसो कोशी प्रदेशका तराई भूभाग तथा मधेश प्रदेशका थोरै ठाउँमा तथा बागमती र गण्डकी प्रदेशको तराईका एक, दुई ठाउँमा मेघगर्जन र चट्याङ्गसहित मध्यमसम्मको वर्षाको सम्भावना रहेको महाशाखाले जनाएको छ ।
आज पनि लुम्बिनी र सुदूरपश्चिम प्रदेशका तराई भेगका केही ठाउँमा तातो लहर तथा बागमती र गण्डकी प्रदेशका तराई भेगका केही ठाउँमा तातो दिन हुने सम्भावना छ ।
