“पाल्पाली जनताको असल सेवक हु ” उम्मेदवार पान्डेय

हृदय भुसाल अर्घाखाँची । नेपाल कम्युनिस्ट पार्टी का पाल्पा क्षेत्र नं. ३ का उम्मेदवार सोम प्रसाद पान्डेयले आफू पाल्पाली जनताको असल सेवक भएको बताएका छन्।
पाल्पा जिल्लामा आयोजित विभिन्न भेटघाट तथा अन्तरक्रिया कार्यक्रममा बोल्दै उम्मेदवार पान्डेयले पाल्पाली जनताले सधैं आफूलाई माया र विश्वास दिएको उल्लेख गरे। “म सधैं पाल्पाको विकास र समृद्धिका लागि समर्पित भएर काम गर्दै आएको छु, आगामी दिनमा पनि यही प्रतिबद्धताका साथ अघि बढ्नेछु,” उनले भने।
पान्डेयले जिल्लामा सञ्चालन भएका महत्वपूर्ण विकास–निर्माणका कामहरू आफ्नै नेतृत्वमा अघि बढेको दाबी गर्दै बाँकी रहेका योजनाहरू पनि चरणबद्ध रूपमा सम्पन्न गरिने स्पष्ट पारे। शिक्षा, स्वास्थ्य, सडक तथा पूर्वाधार विकासलाई प्राथमिकतामा राखेर काम गरिरहेको उनको भनाइ छ।
स्थानीय बासिन्दाहरूले भने पान्डेयलाई जनताको सुखदुःखका सारथीका रूपमा चित्रित गरेका छन्। उनी निकै लगनशील, इमानदार र जनताको काममा ऊर्जाका साथ लाग्ने नेताका रूपमा परिचित रहेको स्थानीयको प्रतिक्रिया छ।
यस्तै सक्रियता र जनसमर्थनका कारण आगामी निर्वाचनमा पान्डेयको जित सुनिश्चित हुने वातावरण बन्दै गएको चर्चा समेत पाल्पा जिल्लामा हुन थालेको छ।