काठमाण्डाै – देशको समसामयिक विषय, समग्र शान्ति सुरक्षा र चुनावसम्बन्धी विषयवस्तुमा केन्द्रित रही गृह मन्त्रालयमा केन्द्रीय सुरक्षा समितिको बैठक बसिरहेको छ । केन्द्रीय सुरक्षा समितिका अध्यक्ष एवम् गृहमन्त्री ओमप्रकाश अर्यालको अध्यक्षतामा चलिरहेकाे बैठकमा चार वटै सुरक्षा निकायका उच्च पदाधिकारीको उपस्थिति छ ।
बैठकमा विशेषगरी तराई-मधेशमा देखिएको समस्या समाधानका साथै चुनावसँग सम्बन्धित सुरक्षा चुनौतीका विषयमा छलफल भइरहेको मन्त्रालयले जनाएको छ । उपयुक्त विषयमा छलफल भई आवश्यक निर्णय हुने गृह मन्त्रालयले जनाएको छ ।
