काठमाण्डौ – ‘जेन–जेड युनाइटेड’ को नामबाट आज पनि माइतिघर मण्डलामा प्रदर्शन भएको छ । हिजो भाइटीकाका दिन जेनी जी आन्दोलनमा ज्यान गुमाएकाहरुको तस्वीरमा टीका लगाइदिएर धर्नामा बसेको समूहले आज पनि प्रदर्शन गरेको हो । उनीहरुले जेनजी समूहहरुलाई एकताबद्ध हुन आह्वान सहित शहीदहरुको रगत नबिर्सन खबरदारी गरेका छन् ।
प्रदर्शनमा बालबालिकाहरु र शहीद परिवारका सदस्यहरु पनि सहभागी छन् । उनीहरुले ‘राष्ट्र पहिला, अहंकार पछि’, ‘देश दुख्दा मौन नबसौं, एक हौं’ लगायतका नारा लेखिएका प्लेकार्ड बोकेका छन् । ‘शहीदहरुको रगत नबिर्स’, ‘देशका घाउहरु हाम्रो जिम्मेवारी’ लगायतका नारा लेखिएका प्लेकार्ड बोकेर उनीहरुले जेनजी आन्दोलनका शहीदहरुका रगत खेर जान नदिन पनि खबरदारी गरेका छन् ।
