दोस्रो रणउजिरेश्वरी भगवती कप ’ प्रतियोगिता सुरु

पदम गैरे पाल्पा ।श्रीनगर भलिवल क्लब पाल्पाको आयोजनामा ‘दोस्रो रणउजिरेश्वरी भगवती कप ’ प्रतियोगिता सुरु भएको छ । श्रीनगर भलिबल क्लबको आयोजनामा खुल्ला पुरुष तथा महिला भलिबल प्रतियोगिता सुरु भएको हो ।
बिहीबार भएको महिला तर्फको लिग चरणको पहिलो खेलमा आयोजक समूह श्रीनगर भलिबल क्लबलाई न्यू होराइन क्लब तानसेनले २—० को सोझो सेटमा पराजित गर्यो । यस्तै महिला तर्फकै दोस्रो खेलमा चण्डेश्वरी युवा क्लब रिब्दीकोट ६ ले निस्दी भलिबल क्लबलाई २—० को सोझो सेटमा पराजित गर्न सफल भयो । यस्तै तेसा्रे खेलमा कानुङ्ग मगर भलिबल क्लबलाई न्यू होराइजन तानसेनले २—० को सोझोे सेटमा हराएको श्रीनगर भलिबल क्लबका अध्यक्ष कृष्ण बहादुर आलले बताउनुभयो ।
यस्तै पुरुषतर्फको उद्घाटन खेलमा पाल्पा भलिबल क्वबले जीत हात पारेको छ । बेस्ट अफ फाइभ अन्तरगतको खेलमा तीन ३—१ को सेटमा न्यू होराइजन भलिबल क्लब बुटवललाई पराजित गरेर पालपा भलिबल क्लबले जित हात पारेको हो । प्रतियोगितामा महिला र पुरुषतर्फ पाँच पाँच सहूह सहभागी रहेका छन् ।
प्रतियोगितामा पुरुष भलिबलतर्फ प्रथम हुनेले एक लाख ७५ हजार, द्धितिय हुनेले एक लाख २५ हजार, तृतिय हुनेले ६० हजार र सान्तवना हुनेले ३० हजार नगदसहित मेडल र प्रमाणपत्र प्राप्त गर्ने छन् । यस्तै महिला भलिबलतर्फ प्रथम हुनेले ३० हजार, द्धितिय हुनेले २० हजार, तृतिय हुनेले १० हजार र सान्त्वना हुनेले ५ हजार नगदसहित मेडल र प्रमाणपत्र प्राप्त गर्ने छन् । प्रतियोगितामा विभिन्न विधामा उत्कृष्ट हुने खेलाडीलाई पनि पुरस्कृत गरिने कार्यक्रम छ । पुरस्कारसहित प्रतियोगिता व्यवस्थापनका लागि १८ लाख २८ हजार ६ सय बराबरको खर्च अनुमान गरिएको क्लबका सचिव एवं खेल संयोजक दीपक चौहानले बताउनुभयो ।
प्रतियोगिताको शुभारम्भ गर्दै लुम्बिनी प्रदेश सभा सदस्य वीर बहादुर रानाले खेलको माध्यमबाट जिल्लाको पहिचान, खेलाडी उत्पादन र खेल पर्यटन प्रर्वद्धनमा टेवा पुग्ने बताउनुभयो । उहाँले नेपालकै गौरवसंग जोडिएको भगवती जात्राको अवसरमा खेलको आयोजना गरेकोमा श्रीनगर भलिबल क्लबलाई धन्यबाद समेत व्यक्त गर्नुभयो ।
तानसेन नगरपालिका प्रमुख सन्तोषलाल श्रेष्ठले तानसेनमा प्रतियोगिता आयोजना हुनु सुखद् रहेको बताउँदै खेलकुदको विकास र विस्तारका लागि नगरपालिका सधैव तयार रहेको बताउनुभयो ।
नेपाल पत्रकार महासंघ पाल्पाका अध्यक्ष कमलराज तिमिल्सिनाले खेलकुद प्रतियोगिताले खेलाडी उत्पादनदेखि समग्र क्षेत्रको विकासमा टेवा पुग्ने बताउनुभयो । उहाँले स्थानीय तहहरुले खेलाडीको प्रतिभा प्रष्फुटन हुने गतिविधिलाई प्राथमिकता दिनुपर्नेमा श्रीनगर क्लबले चन्दा उठाएर प्रतियोगिता आयोजना गर्नु आफैमा प्रशंसायोग्य काम भएकोे उल्लेख गर्नुभयो ।
श्रीनगर भलिबल क्लबका अध्यक्ष कृष्ण बहादुर आलेले क्लबले खेलाडी उत्पादन तथा जिल्लाको गौरव गाथालाई थप प्रचार गर्न प्रतियोगिता आयोजना गरिएको बताउनुभयो ।