काठमाडौं, ११ साउन । आज संघीय संसदअन्तर्गत विभिन्न पाँच वटा समितिको बैठक बस्दैछ ।
आइतबार अर्थ समितिको बैठक बिहान ११ बज सिंहदरबारस्थित आफ्नो बैठक कक्षमा बस्दैछ । बैठकमा राष्ट्रिय प्राकृतिक स्रोत तथा वित्त आयोगसँग आर्थिक वर्ष २०८२/०८३ को बजेटका लागि आयोगले दिएका सिफारिस र सुझाव तथा ती सुझाव र सिफारिस बजेटमा समावेश भए/नभएको अवस्था आयोगको आर्थिक वर्ष २०८२/०८३ को वार्षिक बजेट तथा कार्यक्रम संविधान प्रदत्त जिम्मेवारी निर्वाह गर्ने क्रममा आयोगले सामना गरेका समस्या र चुनौती आयोगसँग सम्बन्धित समितिमा प्राप्त उजुरीका विषयमा छलफल गर्ने कार्यसूची छ । शिक्षा, स्वास्थ्य तथा सूचना प्रविधि समिति बैठक पनि बिहान ११ बजे सिंहदरबारस्थित आफ्नो बैठक कक्षमा बस्दैछ । बैठकमा मिडिया काउन्सिल विधेयक, २०८० सम्बन्धमा विज्ञसँग अन्तरक्रिया कार्यक्रम तथा छलफल गरिनेछ ।
यस्तै, सार्वजनिक लेखा समितिको बैठक दिउँसो १ बजे बस्दैछ । बैठकमा महालेखापरीक्षकको ६१ र ६२ औँ वार्षिक प्रतिवेदनउपर छलफल गर्ने कार्यक्रम छ ।
त्यस्तै , राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्यांकन समितिको बैठक बिहान ११ बजे बस्दैछ । बैठकमा सिंहदरबारस्थित निर्माणाधीन संघीय संसद भवन निर्माणको हालको कार्यतालिका र कार्यतालिका कार्यान्वयन सुनिश्चित गर्ने मन्त्रालयको तयारी सम्बन्धमा छलफल हुनेछ ।
