निम्बतरु
स्वतन्त्रतामा सन्तुष्टि
सबैभन्दा खराब शत्रु हो
त्यसमा ढुक्क भएर रहनु
र आलस्य हुनुले मान्छेलाई
थप परिवर्तनको चाहना रहदैन
स्वतन्त्रताले अनियन्त्रित व्यवहार देखाउँछ
यस्को उपज अराजकता एउटा हो
जथाभावी रहनसहनले मान्छे र देश
बर्बाद हुनसक्छ
अशान्तिको कारण बन्दछ
व्यक्तिवाद बढ्छ
म मात्रै महत्वपूर्ण भन्ने हुन्छ
कामचोरी र बेइमानी बढ्छ
कम्जोरहरु झन् पछाडि धकेलिन्छन्
सामाजिक टकराव पनि बढ्छ
स्वतन्त्रता त एक किसिमको बिसौनी मान्दा हुन्छ
सधै रहे मान्छे सुस्ताउन सक्छ
उतारचढाव त चाहिन्छ नै
परिवर्तनको लागि केही टकराव हुनैपर्छ
तर जे गर्न हुदैन
त्यही बिषयमा स्वतन्त्रता छ
स्वतन्त्रतामा राक्षसहरु अझ स्वतन्त्र भएका छन
हाम्रो स्वतन्त्रता यस्तो छ
ढोकामा ताल्चा छैन
तर दिमागमा ताल्चा छ
पिँजडामा राखेर सुगालाई भनिन्छ
बोल! तिमी स्वतन्त्र छौ
पोखरीमा पौडिरहेकी हाँसलाई मान्छेले भन्छ
कति स्वतन्त्र देखिन्छ!
उसलाई थाहा छैन, यो पोखरी नै उसको जेल हो
