अर्घाखाँची: प्रतिनिधि सभामा रायमाझी, प्रदेश सभामा आचार्य र घिमिरे विजयी

Workplace

नवीन रसाइली अर्घाखाँची । प्रतिनिधि सभाको एउटामात्र निर्वाचन क्षेत्र रहेको अर्घाखाँचीमा मतगणना सम्पन्न भएको छ । अर्घाखाँचीमा नेकपा एमालेका टोप बहादुर रायमाझीले ४२,६७२ मत सहित विजयी हुनुभएको छ । उहाँका निकटतम प्रतिद्वन्द्वी गठबन्धनका साझा उम्मेदवार तथा नेपाली कांग्रेसकि नेतृ पुष्पा भुसाल गौतमले ४०,९४५ मत प्राप्त गर्नुभएको छ ।

यस्तै प्रदेश सभाका दुई निर्वाचन क्षेत्र रहेको अर्घाखाँचीमा प्रदेश सभा (क) र प्रदेश सभा (ख) मा नेकपा एमालेले विजयी हासिल गरेको छ । प्रदेश सभा (क) मा नेकपा एमालेका उम्मेदवार चेतनारायण आचार्यले गठबन्धनका उम्मेदवार राष्ट्रिय जनमोर्चाका सागर केसीलाई ७४० मतको अग्रता सहित विजयी हुनुभएको छ । आचार्यले कुल २०,५१८ मत प्राप्त गर्दा उहाँका निकटतम प्रतिद्वन्द्वी केसीले १९,६७८ प्राप्त गर्नुभएको छ ।

प्रदेश सभा (ख) तर्फ नेकपा एमालेमा रामजी प्रसाद घिमिरे विजयी हुनुभएको छ । उहाँ गठबन्धनका साझा उम्मेदवार नेपाली कांग्रेसका कमल प्रसाद भुसाल सँग ८०१ मतको अग्रता सहित विजयी हुनुभएको हो । घिमिरेले २२,७७६ आउँदा गठबन्धनका उम्मेदवार भुसालको २१,९७५ मत आएको थियो ।

निर्वाचित उम्मेदवारहरुलाई प्रमाणपत्र वितरण समेत गरिएको छ ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
टिप्पणी

सम्बन्धित खबर

- Advertisement -spot_img

लाेकप्रिय

भर्खरै