एमाले अर्घाखाँचीः रायमाझी प्रतिनिधीसभा सदस्य उम्मेदवारमा सर्वसम्मत सिफारिस

Workplace

अर्घाखाँची । आगामी मंसिर ४ गते हुने प्रतिनिधी सभा र प्रदेशसभा निर्वाचनका लागि नेकपा एमाले अर्घाखाँचीले उम्मेदवार सिफारिस गरेको छ । प्रतिनिधीसभाको एउटा मात्र क्षेत्र नम्बर रहेको अर्घाखाँचीमा एमालेले टोप बहादुर रायमाझीलाई संघमा सर्वसम्मत सिफारिस गरेको पार्टी अध्यक्ष पिताम्बर भुसालले जानकारी दिए ।

संघमा सिफारिस भएका रायमाझी पुर्व माओवादी नेता हुन् । उनि नेकपा विभाजन हुँदा नेकपा एमाले रोजेका थिए । एमालेको १० औं महाधिवेशनबाट उनी एमाले सचिवमा निर्वाचित भएका थिए । रायमाझीले यस अँघी २०६४, २०७० र २०७४ को गरी तिन पटक निर्वाचन जितीसकेका छन् । २०६४ सालको निर्वाचनमा नेपाली कांग्रेसका नेता मानबहादुर विश्वकर्मालाई तथा २०७० र २०७४ सालको निर्वाचनमा कांग्रेसकै नेता डा. रामबहादुर बिसीलाई पराजित गर्दै उनी सांसद बनेका थिए । अर्घाखाँचीमा प्रभावशाली मानिएका नेता रायमाझीको विरुद्धमा अन्य नेताले इच्छा व्यक्त नगरेको बताईएको छ ।

यसअघी २०६४ र २०७० मा नेकपा माओवादी केन्द्रबाट चुनाव जितेका थिए भने २०७४ सालको निर्वाचनमा उनी तत्कालिन नेकपाबाट चुनाव जितेका थिए । उनि अहिले पहिलोपटक नेकपा एमालेबाट चुनावी मैदानमा आएका छन् ।। पुर्व माओवादीबाट एमाले प्रवेश गरेका रायमाझीको एमाले यात्रा तथा परिक्षाको घडी सुरु भएको छ । अर्घाखाँचीबाट धेरै पटक निर्वाचन जितेका रायमाझी आम मतदाताका लागी पुरानै अनुहार भएपनी एमाले भित्र भने नयाँ उम्मेद्वार हुन् ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
टिप्पणी

सम्बन्धित खबर

- Advertisement -spot_img

लाेकप्रिय

भर्खरै