काठमाण्डाै – नेकपा एकीकृत समाजवादीले प्रधानमन्त्री शेरबहादुर देउवालाई पार्टीबाट बन्ने नयाँ मन्त्रीहरुको नामावली बुझाएको छ ।
आइतबार प्रधानमन्त्री निवास बालुवाटार पुगेर नेताहरु विजय पौडेल र प्रमेश हमालले देउवालाई नामावली बुझाएका हुन् ।
आजै नयाँ मन्त्रीहरुलाई शपथ गराउने गरी नयाँ मन्त्रीहरुको नामावली देउवालाई बुझाइएको बताईएको छ ।
सहरी मन्त्री रामकुमारी झाक्रीको ठाउँमा मेटमणि चौधरी, पर्यटनमन्त्री प्रेम आलेको ठाउँमा जीवनराम श्रेष्ठ र श्रम मन्त्री किसान श्रेष्ठको ठाउँमा शेरबहादुर कुँवरको नाम पठाईएको बताईएको छ ।
राज्यमन्त्री रहेका भवानी खापुङलाई स्वास्थमन्त्री विरोध खतिवडाको ठाउँमा नाम पठाईएको छ ।
यस्तै स्वास्थ्य राज्यमन्त्रीमा हिराचन्द्र केसीलाई पठाइने भएको छ ।
